Compiled By Jeff Henderson from BibleDatabase Modules
1 Chronicles 12
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29]
1CHRON 12:1 En dit is hulle wat na Dawid na Siklag gekom het toe hy nog uit die teenwoordigheid van Saul, die seun van Kis, verban was; hulle was ook onder die helde wat gehelp het in die oorlog,
1CHRON 12:2 gewapend met die boog, wat regter-- en linkerhand kon gebruik met slingerstene en met pyl en boog; hulle was uit die broers van Saul uit Benjamin:
1CHRON 12:3 Ahiëser, die hoof, en Joas, seuns van Semáä, die Gibeatiet; en Jésiël en Pelet, seuns van Asmáwet; en Béraga en Jehu, uit Anatot;
1CHRON 12:4 en Jismája, die Gibeoniet, 'n held onder die dertig en hoof oor die dertig; en Jeremía en Jahásiël en Jóhanan en Jósabad, uit Gedéra;
1CHRON 12:5 Elehúsai en Jerímot en Beálja en Semárja en Sefátja, uit Harif;
1CHRON 12:6 Élkana en Jissía en Asáreël en Joëser en Jasóbeam, die Koragiete;
1CHRON 12:7 en Joëla en Sebádja, die seuns van Jeróham, uit Gedor.
1CHRON 12:8 Ook van die Gadiete het hulle afgeskei na Dawid, na die bergvesting in die woestyn, dapper manne, krygsmanne in die oorlog, toegerus met skild en spies, en hulle gesigte was leeugesigte en hulle was vinnig soos gemsbokke op die berge:
1CHRON 12:9 Eser, die hoof, Obádja, die tweede, Elíab, die derde;
1CHRON 12:10 Masmánna, die vierde, Jeremía, die vyfde;
1CHRON 12:11 Attai, die sesde, Éliël, die sewende;
1CHRON 12:12 Jóhanan, die agtste, Élsabad, die negende;
1CHRON 12:13 Jeremía, die tiende, Magbánnai, die elfde.
1CHRON 12:14 Hulle was uit die seuns van Gad, hoofde oor die leër; een teen honderd, die kleinste; en die grootste, een teen duisend.
1CHRON 12:15 Dit is hulle wat deur die Jordaan gegaan het in die eerste maand terwyl hy vol was oor al sy walle; en hulle het al die bewoners van die laagtes verjaag teen die ooste en teen die weste.
1CHRON 12:16 En toe daar uit die seuns van Benjamin en Juda na die bergvesting na Dawid kom,
1CHRON 12:17 het Dawid uitgegaan hulle tegemoet en gespreek en vir hulle gesę: As julle met vrede na my kom om my te help, sal ek my van harte met julle verenig; maar as dit is om my aan my teëstanders te verraai, ofskoon daar geen onreg in my hande is nie--mag die God van ons vaders dit dan sien en straf!
1CHRON 12:18 Toe het die Gees Amásai, die hoof van die dertig, vervul, en hy het gesę: Vír u, Dawid, en mét u, seun van Isai, is ons. Vrede, vrede vir u, en vrede vir die wat u help, want u God help u! Daarop het Dawid hulle opgeneem en hulle aangestel as hoofde van die bende.
1CHRON 12:19 Ook uit Manasse het sommige oorgeloop na Dawid toe hy saam met die Filistyne gekom het om teen Saul te veg, maar sonder om hulle te help; want met oorleg het die vorste van die Filistyne hom weggestuur en gesę: Ten koste van ons hoofde sal hy na sy heer Saul toe oorloop.
1CHRON 12:20 Terwyl hy na Siklag trek, het daar uit Manasse na hom oorgeloop: Adnag en Jósabad en Jedíael en Mígael en Jósabad en Elíhu en Sílletai, hoofde van die geslagte van Manasse.
1CHRON 12:21 En hulle het Dawid gehelp teen die bende, want hulle was almal dapper helde en owerstes in die leër.
1CHRON 12:22 Want dag vir dag het hulle na Dawid gekom om hom te help, totdat dit 'n groot leër was soos 'n leër van God.
1CHRON 12:23 En dít is die getalle van die leërafdelings van die wat vir oorlog gewapen was, wat na Dawid in Hebron gekom het om die koningskap van Saul op hom oor te bring volgens die bevel van die HERE.
1CHRON 12:24 Die seuns van Juda wat skild en spies gedra het, was ses duisend agt honderd, gewapend vir oorlog;
1CHRON 12:25 van die seuns van Símeon, dapper helde vir krygsdiens, sewe duisend een honderd;
1CHRON 12:26 van die seuns van Levi, vier duisend ses honderd;
1CHRON 12:27 en Jehójada, die bevelhebber van die Aäroniete, en saam met hom drie duisend sewe honderd;
1CHRON 12:28 en Sadok, 'n jongman, 'n dapper held, met sy familie: twee en twintig owerstes;
1CHRON 12:29 en van die seuns van Benjamin, die broers van Saul, drie duisend: want die meeste van hulle het tot nog toe aan die huis van Saul getrou gebly;
1CHRON 12:30 en van die seuns van Efraim, twintig duisend agt honderd, dapper helde, manne van naam in hulle families;
1CHRON 12:31 en van die halwe stam van Manasse agttien duisend wat met hulle naam aangewys was om Dawid koning te gaan maak;
1CHRON 12:32 en van die seuns van Issaskar, met kundige insig wat die tye betref, om te weet wat Israel moes doen; hulle hoofde was twee honderd, en al hulle broers onder hulle bevel;
1CHRON 12:33 van Sébulon wat op kommando moet uittrek, toegerus vir oorlog met allerhande krygswapens, vyftig duisend aaneengesluit, en nie met 'n dubbele hart nie;
1CHRON 12:34 en van Náftali duisend owerstes, en saam met hulle sewe en dertig duisend met skild en spies;
1CHRON 12:35 en van die Daniete, toegerus vir oorlog, agt en twintig duisend ses honderd;
1CHRON 12:36 en van Aser wat op kommando moet uittrek om hulle in slagorde op te stel, veertig duisend;
1CHRON 12:37 en van oorkant die Jordaan af, van die Rubeniete en die Gadiete en die halwe stam van Manasse, honderd en twintig duisend met allerhande wapens vir krygsdiens.
1CHRON 12:38 Al hierdie krygsmanne het, in slagorde aaneengesluit, met 'n onverdeelde hart na Hebron gekom om Dawid koning te maak oor die hele Israel; en ook al die orige Israeliete was een van hart om Dawid koning te maak.
1CHRON 12:39 En hulle het daar saam met Dawid drie dae lank geëet en gedrink, want hulle broers het dit vir hulle berei.
1CHRON 12:40 En selfs hulle nabestaandes tot by Issaskar en Sébulon en Náftali het brood gebring op esels en op kamele en op muile en op beeste, meelkos, vyekoeke en rosynekoeke en wyn en olie en beeste en kleinvee in menigte, want daar was blydskap in Israel.
Created with BibleDatabase HTML Compiler