Compiled By Jeff Henderson from BibleDatabase Modules
Proverbs 27
[1] [2] [3] [4] [5] [6] [7] [8] [9] [10] [11] [12] [13] [14] [15] [16] [17] [18] [19] [20] [21] [22] [23] [24] [25] [26] [27] [28] [29] [30] [31]
PROV 27:1 Beroem jou nie op die dag van môre nie, want jy weet nie wat die dag sal bring nie.
PROV 27:2 Laat 'n ander jou prys en nie jou eie mond nie; 'n vreemde, en nie jou eie lippe nie.
PROV 27:3 Swaar is 'n klip, en die sand het gewig; maar die ergernis oor 'n sot is swaarder as altwee.
PROV 27:4 Woede is wreed, en toorn kook oor; maar wie kan voor jaloersheid standhou?
PROV 27:5 Openlike teregwysing is beter as verborge liefde.
PROV 27:6 Die wonde deur een wat liefhet, is opreg bedoel, maar die soene deur 'n vyand is oorvloedig.
PROV 27:7 'n Versadigde siel vertrap die heuningstroop, maar vir 'n hongerige siel is alles wat bitter is, soet.
PROV 27:8 Soos 'n voël wat ver van sy nes af rondvlieg, so is 'n man wat ver van sy tuisplek af rondswerwe.
PROV 27:9 Olie en reukwerk verbly die hart, net so die aangenaamheid van 'n vriend vanweë welgemeende raad.
PROV 27:10 Moenie jou vriend en die vriend van jou vader verlaat nie, en kom nie in die huis van jou broer op die dag van jou teëspoed nie. 'n Buurman wat naby is, is beter as 'n broer wat ver is.
PROV 27:11 Wees wys, my seun, en verbly my hart, sodat ek hom wat my smaad, kan antwoord gee.
PROV 27:12 As 'n skrandere die onheil sien, verberg hy hom; maar die eenvoudiges gaan verder, word gestraf.
PROV 27:13 Neem sy kleed weg, want hy het vir 'n ander borg gestaan; en neem hom as pand vir 'n onbekende.
PROV 27:14 Wie vroeg in die môre sy naaste met 'n harde stem 'n seën toeroep, dit sal hom as 'n vloek aangereken word.
PROV 27:15 'n Aanhoudende gedrup op die dag van 'n stortreën en 'n twisgierige vrou is net eenders.
PROV 27:16 Wie haar wil teëhou, hou wind teë, en sy regterhand ontmoet olie.
PROV 27:17 Yster slyp yster, so slyp die een mens die persoon van die ander.
PROV 27:18 Wie 'n vyeboom oppas, sal sy vrugte eet; en hy wat vir sy heer sorg, sal geëer word.
PROV 27:19 Soos in die water aangesig teenoor aangesig is, so is die hart van die mens teenoor die mens.
PROV 27:20 Die doderyk en die plek van vertering word nie versadig nie; so word die oë van 'n mens nie versadig nie.
PROV 27:21 Die smeltkroes is vir die silwer en die oond vir die goud, so is 'n man volgens die roem wat hy geniet.
PROV 27:22 Al stamp jy die sot in 'n stampblok tussen graankorrels met 'n stamper, sy sotheid sal nie van hom wyk nie.
PROV 27:23 Gee noukeurig ag op die voorkoms van jou skape, rig jou aandag op die troppe vee;
PROV 27:24 want 'n skat is nie vir ewig nie--of sal 'n kroon wees van geslag tot geslag?
PROV 27:25 As die gras verdwyn en die jong gras verskyn en die bossies van die berge bymekaargemaak word,
PROV 27:26 dan is daar lammers vir jou kleding en bokke as 'n koopprys vir grond,
PROV 27:27 en genoeg bokmelk as voeding vir jou huis en as lewensonderhoud vir jou diensmeisies.
Created with BibleDatabase HTML Compiler